韓國女團KARA嘅27歲前成員具荷拉，早前突然爆出佢服藥過量入院、疑企圖自殺的消息，隨後具荷拉的所屬事務所否認傳聞，表示具荷拉因受嚴重失眠及消化不良困擾而到醫院接受治療。具荷拉留院一日後出院，目前正停工休養。

不過今日有報道指具荷拉因涉嫌對男友施暴而被警方調查，據首爾江南警署表示：「今日凌晨接到舉報，稱具荷拉喺別墅內毆打27歲任職髮型設計師嘅男友A某。據悉，具荷拉喺A某要求分手後，憤怒地毆打A某。」警方趕到現場後，具荷拉否認單方面毆打對方，稱與男友因為嗌交而發生肢體衝突，而嗌交嘅原因係因為男友提出分手。

警方表示，目前未為事件正式立案，而具荷拉嘅其所屬事務所表示：「具荷拉目前因為冇行程，所以聯絡唔到本人，等到確認情況後會再說明情況。」

精選韓流，喺晒《娛果》
http://fb.com/appledailyent