【文青女神】袁澧林片場爆發仙氣 自彈自唱最誘人
彭永琛袁澧林那一年我17
袁澧林同彭永琛係《那一年,我17》嘅主角,彭永琛話雖然自己成日都喺澳門,但拍戲時就經常同袁澧林一齊jam歌。
袁澧林話自己有興趣唱歌,只係公開表演較少,晚宴先會唱,佢話:「我細個時有彈鋼琴,去到七級,中學就鍾意彈結他。」彭永琛笑言:「現場有鋼琴時,佢會彈俾我哋聽,呢啲女仔特別吸引,簡直係女神。」袁澧林聽到對方咁講,即話:「大家俾面讚賞我啫!戲中有時彭永琛唱歌,我聽到都會感動到喊。」
兩人互笠高帽一輪後,彭永琛繼續讚對方有文青感:「又好戲,仙氣都有,片場熱得滯,我就有汗氣。」
此外,袁澧林今午喺Instagram貼咗唱歌片,留言:「其實昨晚非常開心,感謝每個駐足到最後的朋友仔們,(只怪自己把熱血主題曲唱得像兒歌!!)」