炒股有所謂「偷步」，那麼「港股直通車」講明要開，散戶又以為有冇大陸熱錢「偷步」先行？其實未有所謂「直通車」前，一直有內地股民利用不同途徑挾巨資來港炒股，已非甚麼秘密，事實上現時不少網上買賣盤都係來自內地。坊間不少證券商及「財經演員」猛話要等「直通車」開通才知有幾多錢來港炒作，又話現時未有實際因素支持，認真係廢話一堆，唔好當散戶係儍仔喇！
孟子有云「有智慧，不如乘勢」，其實散戶要了解股壇上不能改變的趨勢與發展，並緊貼捕捉相關股份，炒股贏面自看高一線，例如明知中石化（386）年內必須解決系內子公司重組及私有化問題，到時機差不多，就要開始買上海石化（338）及儀征化纖（1033）。

儀征今日派完成績表後，大膽估計其與上石化股改將踏入正題，近期兩隻石化股成交漸增，估計有熱錢偷步炒私有化憧憬，建議小注買入，博上石化可先獲落實重組並私有化，跌穿4.5元止蝕。