跑谷草抽到一檔點都可以跑高啲，若然係新勝馬有黃金一檔，更加事半功倍。睇番近七匹排一檔跑谷草之新勝馬，總成績係四冠一亞一季，僅一駒唔上名跑第六，表現絕對靠得住。今期又有兩匹贏開嘅馬抽到一檔，就係「勝捷勝」及「同個夢想」，繼續有好表現唔難。
第四場「勝捷勝」升上四班，蘇保羅搵蘇狄雄接手減兩磅，變成輕上加輕，早前就有「勇先生」五升四換蘇狄雄連捷，「勝捷勝」難得當弗、有好檔兼極輕磅，三大有利因素結合咪低估。
尾場「同個夢想」去年尾谷草千二贏到大超班咁款，齋跑半條直路話過就過，谷戰性能唔簡單。一月中之戰排位後退出，因禍得福，今勻唞足再跑，體力足又有新鮮感，千二駕輕就熟，一檔起步慳慳埋埋，拉士沿欄直上，一樣可以後發先至。