「身為一個警察，即係你幫唔到人，都唔好去害人吖。」21歲少女哀訴警察知法犯法。去年大專畢業的少女Judy誤墮網上求職陷阱，損失22萬元，她將受騙經過放上Facebook提醒他人，豈料卻跌入第二次騙局，騙子更是刻意隱瞞身份的警察。該名警察假意可助她取回失款來敲詐金錢，又教路不應就求職騙案報警，否則「原告變被告」；之後他以身患腦癌、鼻咽癌和驅鬼等不同荒謬原因向她索款，短短2個月榨取逾8萬元後失蹤。Judy事後才得知被警察所騙，大感震驚，報案後更發現該名警員正被警方追緝。

記者：龔蕙芝 林熊 趙媛媛

連環受創的少女Judy（化名）憶述，去年9月在網上分享因求職被騙的帖文後，騙子Eric即在網上聯絡她，聲稱沒有企圖，純粹想幫她討回失款，「佢話自己讀法律，啱啱外國返嚟接手屋企生意。」二人同日約見，Eric了解她的被騙經過後，輕易將香港法例背誦如流，又講解案情破綻，令她感到對方十分可靠。

Eric更着她不能報警，「話警察幫我唔到嘅，因為好多呢啲case最後追唔返錢，可能反而告返自己。」Eric解釋她的個人資料曾被盜用借貸，她會有洗黑錢之嫌，如報警會反遭控告，建議靠他的人脈處理，更指最少可追回涉款一半逾10萬元。

由於Eric舉止斯文，即使二人偶有在他居住的酒店房見面，他也十分規矩，又提出以「兄妹」相稱，「佢話出去同人講『你呃咗我阿妹錢喎』，咁樣有說服力啲。」故她亦視他為哥哥，「之前畀人呃一直唔敢同屋企人講，覺得佢肯幫我好好。」

惟Eric從沒幫她追討損失，反而一步步設計騙取金錢，「突然話查到我啲資料俾人賣咗，爭緊幾間財務公司錢。」Eric訛稱可用1.5萬元贖回資料，「佢話見我可憐，幫我出1萬，剩返5千要自己畀。」於是Judy立即提款給他。Eric又指可將之前被騙借貸的貸款轉成壞帳，變相不用還款，向她收取1萬元，另聲稱隱藏銀行資料不被查出，再收7千元，「每次都係話收幾萬，佢會幫我出一半，其餘要我畀咁樣。」連環索款的陷阱沒完沒了。

Judy事後回想覺得更離譜的是，Eric曾自稱患腦癌和鼻咽癌，一時手震，一時頭痛，埋怨因動用積蓄幫她而無錢打標靶藥治癌，「咁佢真係幫咗我，我覺得佢都好慘，所以又畀錢佢，有啲仲要係問朋友借。」前後最少因病情借予他4萬元，奇在Eric索款後，病情就會立即轉好。

短短2個月內，Eric陰乾事主逾8萬元，她曾向Eric求救，希望對方還錢，「我問朋友借咗好多錢，自己（被騙）啲錢又未還，搵佢幫手嗰啲錢又收唔返。」Eric即爽快過帳1千元予她，惟數日後再約Judy外出，聲稱有陰陽眼，看到有鬼魂跟隨她，需法事師傅解決，轉頭收回1千元。

至去年11月中，Eric戲劇性地指因幫她追數，偽造文件遭警方拘捕，12月初再以短訊通知Judy，自稱被判監8星期，即告失蹤。

Judy至今年初仍找不到Eric，於是上載他的相片於網上尋人，有網民反問他是否「搵錯人」，並向她提供Eric的Facebook帳戶，她驚見Eric身穿警察軍裝的大頭照，感到震驚，「吓？原來佢係警察，即係鋪排咁多嘢嚟呃我？」

她繼而查出Eric有妻兒，曾報住屯門一個警察宿舍單位，駐守屯門警署。Judy遂到該署報警，甫展示Eric的相片，報案室警員已回應：「警察都搵緊佢」，後來為她錄口供並稱會跟進。

據悉，Eric姓馮，職級為警員，去年6月即認識Judy前3個月開始已沒上班，自此租住九龍不同酒店，去向無蹤。查冊顯示，Eric與妻子於2002年聯名以230萬元，買入屯門嘉悅半島一個單位，翌月已將物業加按套現46萬元。

警方回覆稱，今年3月接獲女事主報案，指早前透過網上社交平台的虛假招聘廣告接觸數名騙徒，在事件中被騙去港幣約28萬元，列作以欺騙手段取得財產，由將軍澳警區刑事調查隊及新界北總區重案組調查，未有人被捕。但警方未有回覆疑犯是否警員。

大律師陸偉雄指如事件屬實，Eric涉干犯《盜竊罪條例》中的行騙罪，最高可判監10年。至於若他隱藏警員身份犯法，會否罪加一等，陸稱：「法官量刑時，一般會考慮罪犯嘅犯罪意圖，普通市民犯咗法，可以辯稱唔知道犯法，以圖減刑，但警察明顯知道法律，仍向無知少女行騙，法官量刑時，可能會考慮加刑。」

老千警騙財藉口：
—　與求職陷阱騙徒講數，以追回失款
—　將求職陷阱的借貸轉成壞賬，從此不用還款
—　訛稱事主被賣個人資料去借貸，能幫她贖回
—　訛稱事主銀行戶口資料被盜，會涉洗黑錢罪，助她隱藏戶口資料
—　稱患腦癌、鼻咽癌，急須醫藥費
—　協助做法事驅鬼
資料來源：事主提供

----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新
-----------------------------
你敢爆，我敢獎！ 立即WhatsApp《蘋果》24小時爆相爆片熱線 或致電：63836568