【袁偉豪露完股罅】陳豪《使徒2》接手露胸肌兼咀宣萱 頭10集一半都賣肉

蘋果日報 2017/09/30 00:00

陳豪王祖藍宣萱使徒行者2老表，畢業喇
    北上咗大陸好多年嘅王祖藍最近有套《老表，畢業喇》，喺大台播咗一個禮拜，應該係輕鬆搞笑喜劇嚟，但啲笑位已經遠離香港，好似郭晉安同泰臣滿手泥擰互搓面、蔡少芬成家人好攰同一時間攤喺梳化咁，相信香港人應該睇到恰眼瞓......
    如果咁都未瞓着，或者會睇埋《使徒行者2》。大台噚日終於播完10集（大陸已播咗15集），袁偉豪至少已經騷咗3次肌，前晚一集連股罅都露埋。（新聞連結： http://bit.ly/2fWQDzM ）
    10集有3集係你，總要留番個啲機會俾人，機會嚟喇...噚日嗰集就到陳豪。
    是咁的，呢集陳豪帶住宣萱去見國際黑錢集團亞洲區主持人（真係好有系統），去到先知要同其他人玩show hand，賭錢足足講咗半集......即係套劇，有三哥有宣萱有麥明詩，唔小心會以為播緊《賭場風雲》或者《賭城群英會》囉。
    話晒都係主角，陳豪點都唔會輸啦，之後同宣萱跳舞慶祝，仲好肉緊咁咀埋一齊，唔使估，都知下一鏡就喺第二朝，有啲陽光好柔和，兩人瞓喺張床到，唔着衫咁互相依偎。
    呢集仲講到三哥辭咗警察份工，應徵做宣萱保鑣，其中一條問題係叫班應徵者搵下間房有冇炸彈，三哥熄咗冷氣，好醒咁喺枱底拎出塊電路板，咁明顯，其實又點使搵呢？
    empty
    empty
    呢套係《使徒行者2》，唔係《賭城群英會》呀。 (電視圖片)
    empty
    (電視圖片)
    empty
    (電視圖片)
    empty
    賭贏咗，跳舞飲酒慶祝。 (電視圖片)
    empty
    感情線嚟喇，咀咗好耐。 (電視圖片)
    empty
    有少少經驗都估到，故事進展一定係咁，喺第二朝唔着衫交代晒。(電視圖片)
    empty
    (電視圖片)
    empty
    《老表3》呢啲gag位，唔知香港人仲識唔識笑。 (電視圖片)
    empty
    (電視圖片)