張智霖(Chilam)同老婆袁詠儀(靚靚)喺內地真人騷《一路上有你》真係次次都有話題，當中仲成日有當紅韓星客串，最新一集就有SJ成員金希澈，佢曾經被Chilam取笑同靚靚撞樣，今集就索性喺靚靚20歲時嘅相旁邊擺同一個甫士，引來全場爆笑。

Chilam同靚靚又化老妝扮30年之後，劇組播出兩人分開拍攝嘅短片，「老年」Chilam同靚靚話：「我的老伴，謝謝你陪了我那麼多年...怎麼說呢，就是軟禁，軟禁了我這麼多年。我相信我們還會有很多很多個未來，有很多事情還可以一起做的，環遊世界這個目標，應該還沒完成，最重要還是身體健康吧，那誰先走，真的一點都不重要，最重要是我們在一起的時候，真的很開心，謝謝。」Chilam同靚靚一齊睇到眼紅紅，Chilam更拎紙巾抹眼淚。

到老年「靚靚」出場，Chilam驚到用帽子遮住半邊面偷睇，因為知道自己喊硬，靚靚情深話：「老頭，我相信沒有人知道三十年以後是怎樣，但是很開心的就是這二十幾年來，你在我身邊。雖然你很討厭，常常的欺負我和取笑我，但是呢，我覺得你對我的人生，也改變了我很多啦，就是應該是沒有讓我那麼的暴躁吧，我覺得我們也真的蠻好的，對吧？我希望，未來的日子，我們可以繼續的...我希望都是可以...跟你一直到老吧。我希望你三十年以後呢，身體健康，陪我去環遊世界，一直愛著我。」Chilam聽完又感動到喊唔停，今集真係充滿洋蔥!