香港逆權運動持續，不少網民都鼓吹「黃藍經濟圈」，不過商務及經濟發展局長邱騰華早前以家長口吻，質疑網民「憑乜嘢、邊啲人去分邊啲係黃邊啲係藍」，仲反問家人外出吃飯，是否要分開兩間酒樓。不過杜汶澤今日就在facebook以實際行動回應，他早前構思的「本土民主經濟共榮圈」已經啟動「Yellopenrice 正式啓動！密切留意播放日期如見貼紙 歡迎懲罰?共建 #本土民主經濟共榮圈」要求網民「嚴懲」黃店。

對於邱局長的言論，阿澤以短訊回覆《蘋果》，他說︰「我去嗰間（餐廳），邱騰華之前有去過食，六月之後無再去，即係黃啦。成幅連儂牆響間餐廳入面，佢咪唔去囉。」他補充所謂黃色經濟圈是想守望相助︰「有幾難明啫，使乜理佢講乜吖，做到成績出嚟，佢咪知咩叫本土民主經濟共榮圈囉！」

阿澤會在網台節目《喱騷》開拓Yellopenrice環節，全力介紹黃店，他以短訊回覆話︰「首先網上呼籲黃店報到，我哋會有初步審查背景，包括政治取向同食物質素，跟住我會去視察同傾偈，傾過偈大概都知佢黃唔黃，跟住試食同睇周圍環境，睇下有乜嘢要改善。希望幫到黃店，除因為黃要受到『懲罰』之外，都想喺食物質素提高，原因好多人都話黃店啲嘢難食，跟住我會去拍，之後就喺《喱騷》播，希望同觀眾推介一啲坊間或者網上較少人推廣的黃店。」阿澤話同步都研究推出Apps，不過有技術問題需要解決。

-----------------------------
《2019高級珠寶鑑賞誌》
點擊即睇過百款鑽飾名錶
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇