【新增影片】
利物浦大軍即將訪港出戰英超亞洲盃，可惜球迷們無緣親身欣賞「神奇隊長」謝拉特嘅場上英姿，惟有睇住「Star Sixes」名宿6人足球賽先啦！其實謝四呢日schedule都好緊逼，因為佢下晝先首次正式以主帥身份帶領利物浦U18出戰閉門友賽，結果球隊以7:0大勝伯頓，領隊生涯有個好開始！

到咗夜晚，謝拉特帶領英格蘭出戰蘇格蘭，就算係名宿戰一樣牙骹味十足，結果英軍喺O2主場球迷面前冇失威，靠奧雲梅開二度，謝四再施展招牌推大位勁射埋齋贏3:1。同日西班牙、法國同意大利都順利贏波，巴西更加大勝中國7:0！英格蘭目前一勝一負，周六最後一輪分組賽對墨西哥不容有失，同日亦會緊接上演8強淘汰賽。