【新增短片】
前財政司司長曾俊華與自由黨榮譽主席田北俊，為幫助黑暗中對話基金籌款而一同炮製竹炭月餅。首次變身「阿茂」的兩人，跟隨本身為視障人士的社企Codekey Cookies創辦人花花學習製作「黑月」月餅。曾俊華又大讚花花是自力更生的好榜樣，值得敬佩。
 
首次整餅的田北俊製作首個月餅時未能將月餅皮覆蓋好月餅餡，笑言有「撕裂」的問題，曾俊華即插口稱「撕裂都可以修復嘅」。之後被問到為何今日不見有傳會與曾、田合組聯盟的民建聯創黨主席曾鈺成時，曾俊華又打趣稱「使唔使教民建聯整餅呀？」被問到會否參選，曾俊華就稱「參選？呢個好阿茂嘅問題嚟喎﹗」結果曾、田兩人各製作了兩個月餅，論賣相的話似乎曾俊華技高一籌。

曾俊華回應傳媒提問時，避談是否與田北俊合組聯盟，只稱「我哋打算開餅店」，田補充指是為慈善機構造餅，並修補社會撕裂，又反問特首選舉至今多個月來，「我有冇做過任何同政治有關嘅嘢呢？」亦表明「冇咁嘅諗法」，主要做慈善、公益活動。至於近日多家大學出現港獨橫額，以及教大生嘲諷蔡若蓮喪子的事件，曾俊華避談稱「今日我哋講整餅，全部係講整餅，其他嘢係走遠咗」。

記者追問港獨等事件是否導致社會撕裂時，曾表示「佢（田北俊）識得點樣彌補㗎喇，佢補得好好」，記者再問特首林鄭又是否能彌補撕裂時，曾說「我未見過佢（林鄭） 整餅，（是否有信心林鄭能修補撕裂呢？）佢應該搵時間嚟整吓餅」，「（覺得林鄭上任後有修補撕裂嗎？）我睇唔到，但係我哋就唔講呢樣嘢，我哋今日講整餅」。