【李八方online】人大選舉送專用筆 羅健熙嫌唔好用
李八方羅健熙
人大選舉會議成員人人獲贈一枝筆,羅健熙試用後話唔好用。羅健煕FB相片
首次以選舉會議成員去投票選人大嘅民主黨副主席羅健熙,笑指投票時見識唔少「中國特色選舉」騎呢嘢,包括一入場就見到好好多類似粉絲嘅啦啦隊拉票,令出席人士似去演唱會多過票站;入場後亦竟然要聽台上人士講嘢。
獲得選票後,現場有人即刻對住一張名單照填,但就被台上嘅娥特話未到劃票時間,令羅健熙覺得好似返番去讀書時考試咁,投票期間又有啲古怪中國音樂,搞到成件事好滑稽。
佢話由於投票人有哂座號,要一排一排輪住投,加上個票箱設計,令選票會一張平整地跌落底,所以相信若然有人要搵出各人投咩票,唔係難事,又搞笑話唔知攞今次大會專畀投票人用嘅「選舉專用筆」擺上淘寶,有無人買?但就話支筆其實唔夠粗,填寫投票表時都要劃多幾筆先填滿個格,佢笑指會睇吓有乜渠道,令到支筆可以有意義地完成使命喎。