日本女星中川翔子出名係個狂迷級香港fans，不論在公在私，佢同星媽每年都定必來港觀光，噚日中川翔子原來又再到香港開工，隨電視台人員到港九各地進行拍攝。

讀者陳先生透過《蘋果》爆相爆片，發現中川翔子昨晚穿上藍色裙現身北角港鐵站，旁邊有一隊日本電視台攝製隊包圍住，並在站內範圍準備開機拍攝。不過大隊到場冇耐就惹來港鐵職員上前阻止，似乎係未經許可偷雞取景，一行人隨即被趕離現場。據知，中川翔子應該係昨日抵埗即趕緊展開拍攝工作，佢亦有透過社交網公開在港行蹤，唔止向拜見已故偶像李小龍嘅銅像，亦有大擦美食，而佢仲話喺尖沙嘴見到疑似UFO，不過應該只係有人玩UFO形嘅遙控飛機。

更多娛聞，喺晒《娛果》
http://fb.com/appledailyent