【宣傳新歌】洪嘉豪獲偶像任MV導演 葉巧琳送肥皂玩鴛鴦浴
洪嘉豪葉巧琳
葉巧琳相隔一年再有新歌,她今日在商台宣傳新歌《水舞間》。去年她的專輯全是慘情分手歌曲,承接這張專輯,用了一年時間療傷,今次終於找到真愛,與男友沐浴愛河。派台碟兼送肥皂,送給情侶作鴛鴦浴,問她是否喜歡跟男友享受鴛鴦浴?她笑言:「同愛人一齊乜都好,MV搵咗個靚仔藝人做男主角,雖然冇拍鴛鴦浴,但辛苦佢要孭我,仲有一啲我覺得好sweet嘅行為,但到時播出街大家就知。」而這首歌講二人熱戀,就算下雨天,女孩子也開心在雨中跳舞。
此外,洪嘉豪今日在商台宣傳新歌《十號儲物櫃》,27歲的他自言把握30歲前,唱出青春的回憶,自己的兒時偶像是Shine,去年發佈會有偶像做神秘嘉賓撐場,今次新歌公司找了徐天佑擔任MV導演:「當日見到佢真係好大驚喜,佢哋出道時係大男孩,人哋都話我都係,所以兩代嘅大男孩喺度。我有問天佑之後可唔可以合唱,佢話有機會,忙完各自手頭上工作先。」他更在這歌的首句歌詞,填了Shine的歌名《燕尾蝶》,這次合作令他感到愉快:「以前佢真係好靚仔,到而家大咗都咁靚仔。」另外,他謂細個也有其他偶像,總是聽着陳奕迅和容祖兒的歌做功課。
------------------------------
新聞有價 你肯為《蘋果動新聞》付幾多錢?
https://hk.adai.ly/QDTT6y5mgX
--------------------------------
【記住63836568】全民爆相爆片!下一個爆料王就係你
https://bit.ly/2Guolu9