搞網媒唔易，唔係話開個fb acc.就等如有入場券。fb計算法一頭半個月改一次，reach數係重要，但冇reaction都係死，冇noise。

講到尾，fb計分制，其實都係想你課金賣廣告。

題外話講完，講番阿澤杜汶澤同友人準備埋班搞嘅新網媒，見習生今日叫做請咗個，未簽約嘅不過，返十二放十二，見佢著泳衣嘅時間多過「正常衫」，就連騎馬都著比堅尼喎…試問男同事如何可以返十二放十二專心工作？仲要係，呢位未簽約嘅新同事——Manchester楊浩兒，係DOUBLE MAY 嚟0架。

自稱「九妹」嘅Manchester，如果真係返工，咁，著住件比堅尼周圍走都唔係辦法喎，阿澤接受《蘋果》電話訪問時都話，狗妹將來返工，衣着自由度好大：「佢今日就係着吊帶背心嚟見工，佢話返工都係會咁着。」

「我哋拍片想搵男仔，但office嘢就搵女仔，我哋講到明條件係人工唔高，要OT，見習生乜都要做，抹地、執枱、斟茶遞水一腳踢，今日呢個女仔嚟見咗，我見佢都幾勤力，立即就請咗佢。」

狗妹未返工已成網紅熱爆人物，阿澤會唔會開戲畀佢？佢話：「佢真係請返嚟抹地，冇講呢啲，但萬丈高樓從地起，一切可以由抹地開始，話唔定佢會紅過Celine。」至於杜太點睇，暫時未見回應，但一班KOL、influencers如柳俊江、畢明等等就爭相留言喇。

相關新聞：
【杜太點睇？】杜汶澤請靚女見習生 IG張張相低胸小背心
http://bit.ly/2ffafPs