華人騎師楊明綸於上期（17日）日賽現身馬場，見證師傅李易達憑「火天大有」及「及時行樂」起孖威威，其間見佢不時幫忙打點。

呢位資深華將休息將近一個月，終在周六（23日）可以重跨馬背恢復參賽，若然贏埋馬就更加美滿

今期楊明綸養傷後復出首戰，即有七匹座騎，支持並唔少，其中四駒來自李易達馬房，今早（21日）師徒二人圍埋密斟，積極商討今次戰略，備戰認真，達哥會唔會安排好等愛徒復出立即揚威，大家不妨拭目以待。