日本駐港總領事橫田淳前晚喺港島香格里拉搞咗個酒會,慶祝日皇生辰,各界都畀足面出席,煲呔重笑自己已經兩度代表董特首去做嘉賓,所以好榮幸。
講真,香港同日本嘅經濟最近一齊開始有起色,大家都飲得杯落,橫田淳同煲呔喺台上大講商機,海關關長湯顯明就喺台下同八方講海關嘅貿易視察科已經做好準備,調配咗五十五名人員處理屍爬,有需要重會加派人手㖭,總之做到ready,able同埋morethanwilling,一句講晒,即係準備就緒啦。屍爬一月一日就開波,連安民同唐英年都喺北京召開會議,你話幾大陣仗。
八方又多口問番湯顯明當晚點解舉起雙手話自己好明白23條,佢話其實當時想叫大會畀支咪佢,點知就俾人話佢飛身護法。咦,湯哥果然識執生喎。
傳真︰2623-9278
電郵︰
[email protected]