《櫻桃小丸子》深受港人歡迎，今個聖誕節小丸子將會聯同一班同學仔在奧海城舉辦聖誕聯歡會，更會首次喺商場演出音樂劇，而最近一眾角色已經悄悄來到港進行排練。有份演出嘅野口同學，原來9月9日即今個星期六就係生日嘅大喜日子，屆時身在香港嘅佢決定從音樂劇排練偷偷走出來，與一班香港粉絲們舉行在港嘅首個生日會。

全球首個官方嘅「野口のKukuku生日會」將於周六下午3時至5時於奧海城舉行，入場券只要於櫻桃小丸子特許專門店You and Me選購任何野口同學相關產品，即可獲得野口生日會門券套裝，而生日會當天，野口同學會到現場同大家齊齊唱生日歌、切蛋糕同埋影合照留念。現場觀眾可免費獲得期間限定嘅野口生日派對帽，以及野口眼罩。同場更特設野口生日會限定精品店，當中更有全新設計嘅別注版野口同學精品。由9月7日至9日期間，粉絲可到奧海城生日會場地拍照，隨時可以走入野口同學嘅奇異世界。