當年今日
關於我們

【生咗龍鳳胎】廿年前「鄔公奇案」輸家李明慧 秘嫁陳樹渠仔做闊太

蘋果日報 2017/06/14 11:02

翁嘉穗陳樹渠李明慧鄔友正陳燿揚

97年,港姐選舉後,冠軍翁嘉穗同亞軍李明慧發生爭仔事件,男主角就係海馬床褥老闆鄔友正。
當年有港姐電眼之稱嘅李明慧,成為港姐亞軍後,同鄔友正拍拖10日火速宣佈訂婚,放棄入娛樂圈。但劇情峰迴路轉,事後男方接受訪問承認同李明慧之間有問題,轉頭同冠軍翁家穗閃婚。
當年呢件「鄔公奇案」為港人派咗唔少花生(新聞連結: http://bit.ly/2rp9jAf ),而事件發生後,李明慧一度避走香港,其後返港反擊,指鄔友正曾經向自己父母提親,之後佢就俾人踢爆收咗鄔友正120萬掟煲費,仲要有埋銀行收據,事後李明慧強調自己受之無愧。
往後嘅發展,翁嘉穗順利成為鄔太,為老公先後誕下兩子。至於「輸家」李明慧,自此絕迹娛圈。
今日有報道指神隱10幾年嘅李明慧,原來03年喺美國,嫁咗俾已故教育家陳樹渠兒子陳燿陽,仲為對方生咗對龍鳯胎。
不過入門前,李明慧先要過奶奶一關,報道指佢未入門前,陳老太曾一度擔心女方之前嘅新聞,驚對方入門後,會傳出敗壞家聲嘅事,但李明慧斷然話冇。向未來奶奶派定心丸後,二人拍拖兩年最終決定結婚。
近年同家人喺美國回流返港嘅李明慧,被影到同老公喺Joyce掃貨又去睇Rimowa名牌行李喼,生活富泰愜意。
empty
(資料圖片)
empty
當年翁嘉穗同李明慧參選時一度係好姊妹。(資料圖片)
empty
翁嘉穗同李明慧嗰屆港姐,季軍係佘詩曼。(資料圖片)
empty
翁嘉穗(資料圖片)
empty
翁嘉穗同老公鄔友正先後生咗兩個仔仔。(資料圖片)
empty
(資料圖片)