【天鴿襲港●不斷更新】主稿： http://bit.ly/2wkXMU1

【22:00】多部泵車正在場將車場內的積水抽走
【18:25】3人失蹤事件證實虛驚一場，消防蛙人收隊離開
【17:29】保安員報稱3人進入停車場後未有返回，消防派出蛙人搜索
【17:05】港鐵派出泵車到場，準備將積水抽走

杏花邨一地庫停車場，在天鴿襲港期間成重災區，懷疑因大量海水湧入屋苑停車場及馬路，加上海水疑倒灌，令上址變成澤國，地面馬路水深也一度達半米至一米。大量海水如瀑布般沿地面入口的路湧入整個停車場，逾兩米高的地庫停車場幾乎全被海水掩蓋，出入口完全被水浸淹。

據車主指，該地庫停車場的車位均已出售，出事前裡至少泊了20多部車輛，部分是價值數十萬元甚至過百萬元的名車如平治，恐全部都變廢物，車主總損失或逾千萬元。有車主正午前來取車，才知道停車場嚴重水浸，連入口也進不了。車主顯得非常無奈，「邊有人通知吖！自己落嚟想攞車先知，落嚟已係咁（浸晒），唔好再問我啦，靚唔靚車有乜分別？」他指以前從未試過。多名車主都不滿停車場管理員，未有及早在地面堆放沙包阻擋海水，質疑管理公司疏忽。

另一位車主麥小姐表示，她在停車場的車位是買的，泊在此數年。她的平治座駕值約50萬元，「未試過咁，之前8號風球都冇咁樣，唔知點算，好無奈，冇諗過，冇人通知我哋，雖然之前見到個風犀利，但冇諗過落到去停車場會係咁。雖然我已買保險，但我都好擔心保險唔賠，因為呢啲係天災，唔知賠唔賠。」

車主指水浸過引擎，獲通知趕到停車場已經趕不及，幸買了全保，唯有留待保險公司跟進。

你敢爆，我敢獎！ 即Call《蘋果》24小時爆相爆片熱線 ：63836568