2020年即將來到，在美國拉斯維加斯，2020年第一個大型展覽活動就是美國時間1月7日舉行的CES（Consumer Electronics Show）。近年CES都有極多車廠參展，越來越多概念新科技都會在這裏展出。寶馬（BMW）今年就會有這部i3車仔參加。

香港街上都有不少老闆車，不過多數屬豪華轎車，或者是七人、八人家庭車豪華版。車仔細細的寶馬i3？相信沒有太多人想像到竟然都可以做老闆車！這部名為i3 Urban Suite，車名已經表明態度，內櫳設計格局讓後座乘客可以有大班椅兼有腳枕，至於司機呢？都係專心駕車啦，雖然有對腳放在你隔籬。

簡單來說，i3 Urban Suite就是把前座乘客位除去，放了一個腳枕，而後座一邊就放上大班椅，最囂張是另一邊的後座座椅亦變身成為類似一張茶几，上面還有一盞枱燈，成件事有氣氛過氣氛燈。而且車頂部份還有屏幕可以放下，後座乘客就可以輕鬆坐着看電影。

至於駕駛者座位則改動不大，而這i3亦是一部全電動車，還有廠方標榜車內物料都是採用可循環再造物料，至於這部i3 Urban Suite實用程度有多高？都係概念車咁高啦。

據知廠方今次會製作超過一部i3 Urban Suite於CES展出，而且不只展出，更有活動可以讓參觀者在街上試坐，載着嘉賓遊拉斯維加斯，勁過坐超長陣房車、Hummer啦？

撰文：Michael
編輯：鄒仲安

-----------------------------
$1000以下隱世秘湯 精緻地道料理一泊二食
《日本溫泉30》遊日必歎！
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇