當選特首剛好一年的林鄭月娥，今晚與喜歡與她抱抱的前特首董建華一齊出席「香港舟山同鄉會」春茗，娥特上台致辭時用普通話大談上任特首9個月以來嘅感受，話覺得做特首係好光榮，但責任非常大，每日無論係對外定對內，都有好多工作做，「但是我感覺是，其實我未有甚麼壓力，有人批評我，我也沒所謂！我沒有甚麼壓力，因為我覺得這個事情是十分有意義的！」

娥特跟住話，過去9個月最大感受係中央「非常非常支持」香港，話每次到訪北京，不論係見國家主席、總理定委員長，都好支持香港工作，「每一次都不會讓我空手而回，都給了我很好、很積極的回應」。

可能大家都好奇，舟山關娥特乜嘢事？唔好忘記佢同老董都係浙江舟山人，話由於呢個身份，一定唔會忘記舟山同香港要緊密合作，仲話希望嚟緊有機會到舟山訪問，但講到明由於唔想麻煩到當地書記，好可能只私下到訪，期間一句：「我把我兩個孩子也帶去舟山看看」，贏得台下舟山鄉里一陣掌聲。娥特聽到就笑住話，希望孩子了解鄉情，「因為有了鄉情，我們就有國情，就有國家的觀念」。