樂壇大姑媽艾頓莊（Elton John）上周六70歲大壽，喺洛杉磯搞咗個盛大生日會，請咗唔少名人出席，包括美國歌手Katy Perry、Lady Gaga及Stevie Wonder等等，場面盛大。呢個派對亦都可能造就一對新戀人誕生！據美國傳媒報道，單身嘅Katy Perry於派對中與男星賴恩菲臘比（ Ryan Phillippe）調情。
目擊者指32歲嘅Katy同42歲賴恩本來坐唔同檯，賴恩特登走向Katy並喺佢身邊坐下。兩人傾得好投契，Katy被賴恩冧得不停笑，男方仲將手放於Katy大髀上。Katy去年同前男友奧蘭多布魯（Orlando Bloom）都係因為於派對中調情而撻着。
賴恩雖然已經係中佬，但係佢有着一副童顏，佢曾經同17歲女兒Ava出街時，被誤認為兄妹，令女兒相當尷尬。

《蘋果》第十二屆金話梅電影選舉（Golden Plum）又嚟喇!由今日起，請在以下網址（ http://campaign.appledaily.com/goldenplum2017 ）投票，選出心目中的爛片之霸，截止日期係4月6日，賽果將於香港電影金像獎舉行前夕（4月8日）揭曉。