韓片《屍殺列車》男星孔劉主演嘅另一部電影《密探》，上周三於韓國上映，由於《密探》有孔劉、影帝宋康昊、女星韓智敏等人主演，於韓國票房一樣理想，上映5日入場人次已破200萬，果然厲害。未知孔劉可唔可以食住《屍殺》個勢，成功谷起《密探》呢？

而《密探》一眾主演今日就出席謝票活動，慶祝入場人次破200萬，不過孔劉就因為另外有工作行程而未能現身。

另外，韓智敏早前接受節目《演藝家中介》訪問時透露，李秉憲有客串《密探》，韓智敏、孔劉、李秉憲三人會於休息時一齊討論演技，又會分享日常生活，非常老友。