《2019香港小姐競選》今晚舉行，邀請全台200位藝員出席擔任嘉賓評判，票選出今屆香港小姐的冠軍、亞軍及季軍，高海寧指有份投票：「已經有心水，因為嚟之前已經做足功課，我覺得1號喺各方面都唔錯，聽好多人講佢談吐好大方得體，要睇佢臨場發揮，當然大家都有機會，主要睇今晚表現，1號係好合眼緣，在我心目中，佢好有冠軍相，仲有5、7號外貌都好甜美，7號身高都係一個優勢。」

講到有沒有信心贏到20萬，高海寧說：「我啱啱一出嚟就問記者朋友，看他們有冇貼士，因為記者每日都對住啲佳麗，覺得佢哋了解多啲，頭先都有同我講幾個號碼，我一陣喺現場睇吓。」她又指今次沒刻意性感打扮，交給設計師負責，自己只係專心做運動，她續道：「身材都要keep，上年都比較肥，所以今年都做多啲運動，減吓肥，因為好耐冇放過假，呢段時間都好好休息，設計師見我個pat pat線條幾好，就揀呢件衫畀我，頭先都有人讚，證明有啲成果。」

蔡思貝則擔任最上鏡小姐評判，她表示很高興，覺得很榮幸，她認為最上鏡小姐是在台上發揮很大的光芒，可以吸引到大眾的目光。被問到評分準則，蔡思貝稱會特別留意佳麗在第一個環節中的表現，因為通常那時候佳麗們都會比較緊張，還沒有真正融入這個比賽裏面，所以如果已經散發出艷壓全場的光芒的話都會加分，蔡思貝說之前沒時間真正去認識一班佳麗，只是見過其中5個，其他都只是看過照片而已，看她們的表現和憑感覺去選。

至於陳煒及洪永城會為最上鏡小姐擔任評審，身穿淺綠碎花低胸裙的煒哥表示自己心水5號的王菲，洪永城指看好2號蔡嘉欣，笑對方多專長，不過兩人亦指臨場發揮口才很重要。問到洪永城會否叫女友參選？他就笑指女友好像已超齡。
-----------------------------
【撐學生】
召集有心人 撐學生全年睇《蘋果》
立即按此