樂仔柏豪破冰
揸靚車好啱傾

蘋果日報 2016/04/21 00:00


【上環】余文樂和周柏豪不和傳足3年,雖然兩人都曾各自否認,但柏豪當年由樂仔組成的籃球隊橫洲工業中忽然消失、柏豪細佬柏文突然由樂仔助手轉做賣衫,甚至傳出樂仔不滿柏豪偷食隊友細妹及兩人因爭吳雨霏而反面,令不和傳聞越傳越有。
empty
【飯局團圓】樂仔(中)與柏豪(左)不和傳足三年,前晚兩人在上環食飯終於粉碎謠言。
empty
【放甩柏豪】晚膳後兩人一前一後攞車,樂仔(左)不時回身跟柏豪聊天。
empty
【靚車受罰】揸波子的樂仔發現柏豪座駕收到「牛肉乾」,自己則逃過一䕃。
離遠傾偈
不過,本報前晚獨家直擊樂仔駕駛落地幾個月、價值幾百萬的橙色波子,與駕Audi的周柏豪在上環一間潮州菜館開餐,樂仔、柏豪與一位男友人更足足食了超過兩小時才離開。記者約晚上8時已見兩人座駕泊在飯店門外,柏豪的車更陪他一起開飯慘食「牛肉乾」,但樂仔的橙色波子卻未有中招。
直至約晚上10時,樂仔、柏豪和男友人終於食飽離開,柏豪發現記者更主動打招呼,相反樂仔就一支箭衝去攞車,但久不久有回頭跟柏豪對話。
昨日樂仔出席電影開鏡,提及破冰飯局,問他與柏豪關係如何?樂仔即表示:「不嬲都冇嘢嘅,都寫咗3年啦!大家都有見面食飯,但我成日都唔喺香港,所以都好少見到咁多朋友囉!」問他是否都有看破冰報道?樂仔則表示不看報紙。
empty
樂仔昨日出席電影開鏡,表示不時會與柏豪見面食飯。
冇再打波
至於是否有約柏豪齊齊打波?樂仔說:「我都好耐冇打波喇,其實我都好少時間做其他嘢,𠵱家都要多啲時間陪家人,其實我啲私人時間都犧牲晒。」再追問他當年是否不滿柏豪偷食隊友細妹?樂仔重申沒有此事,還叫大家找當日爆這單料的記者求證,他嘆謂:「唔知點解可以作到咁樣。」
採訪:張俊銘、羅德光、梁繼光
攝影:沈健程