江碧蕙(Sherie)上年7月13日喺fb post相暗示結婚19年的法籍騎師李格力離婚，未幾回港後，於朋友聚會中識到未婚夫Jerome，仲喺7月17日就post出同Jerome以及一班朋友出海玩嘅合照，兩人火速撻着。

講番Jerome，佢係法國、西班牙、波蘭混血兒，任職網球教練，之前都被影過同Sherie一齊打網球；兩人又被影過夜遊大坑，Sherie仲貼心到幫Jerome買煙o添！

Sherie喺上年11月帶Jerome出席公開活動，當時佢就話對婚姻嘅態度係順其自然，最緊要開心。而且Sherie經常喺fb晒恩愛，好多頭貼頭嘅合照，又攬到實一齊幫慈善機構影宣傳照。睇埋佢近期post嘅相，估計已經帶埋咗Jerome去見家長o添。