賽馬貼士|自製170元大串燒 年關唔易過卻有權過晒呢三關
穿雲箭賽馬貼士自製170蚊混合過關
周日(13日)沙田頭場三班1200米「悅驫」,上季尾初跑第三班塞車輸近,上場季內初出未夠,末段亦追番唔少。
照咁睇在第三班一定夠班,熱咗身仲強配莫雷拉,穩陣到不得了。
「包裝太保」試三個大閘趕工夫,照加埋外地贏馬必備嘅眼罩,初出都唔睇得小。
第三場三班1800米「格萊美」有質素,但跑落一直未掂,上場一落第三班忽然有飛,又突然有表現,贏唔到都走入一席冷披士。
睇嚟幕後都幾夠耐性,蘇銘倫中招換波健士跑,冇咁惹飛仲好。
「自然力量」今季夠準,上場首戰三班賽,差少少就追到跨季四連捷嘅「美麗天使」,亦先過「格萊美」過終點。
第九場二班1200米「夢想成金」跑五場未輸過,上場升戰第二班仲贏遠啲,睇嚟同場舊馬都幾難挑戰。
呢場唯一初出馬「狂潮」喺歐洲贏過G3,G1就跑過第三,都有番咁上下斤兩。
睇試閘係咁搵遮擋,驚死走光咁款,又試過留後追一段,兩課閘走勢都唔差,博佢一出就有料到,鍾意嘅串完Q仲可以博埋WP。
-----------------------------
經濟環境陰晴不定,周轉困難亦是常事,邦民日本財務讓你安坐家中,貸款一樣可以輕輕鬆鬆到手,網上貸款即時初步批核⦿,星期日都照批★,用轉數快還可以即批即過數^,全新客戶成功貸款可享迎新現金獎高達HK$3,500▲,所以說,解決方法總比問題多!
推廣期由2020年12月1日至2021年1月31日(包括首尾兩天)
須受條款及細則約束,詳情留意邦民日本財務(香港)網頁。