黃夏蕙契媽馬太年初二與家人報團前往惠州度歲，卻不幸發生車禍，傷及腰部，即日要求返港就醫，豈料遭內地救護車開天索價，半路中途更坐地起價，幾經波折終於返回香港就醫。事發至今近20日，馬太仍在東區醫院留醫，《蘋果》傍晚到醫院探望，發現她連日來一直卧床，神情憔悴，她向記者透露現時腰骨仍然很痛，需留院觀察數天，「醫生呢兩日會再幫我照，如果有事可能要開刀（做手術），但我就希望唔好開刀喇。」

她憶述事發時與丈夫坐在旅遊巴最後一行，全程有佩戴安全帶，其間旅遊巴經過水氹時，全車人彈起，「好似遇到氣流咁，成個人升高，然後戥返落嚟，好似離咗魂咁」。她指自己傷及腰骨，送往當地醫院治理後，要求返港就醫，豈料搭上「劏客救護車」，「嗰刻痛到頂唔順，可以用錢解決問題就唔怕，惟有照畀，但我都有同佢哋（車上醫護人員及司機）講，你哋真係好無良，講咗係3千幾蚊，點知行行下駛埋去啲僻路講數，如果係流血就死人啦。」

馬太經過今次事件，覺得香港存在很多問題，「好似今次咁，我搭救護車落返嚟俾人勒索，你去報警都冇人理」，又苦笑稱以後都不會跟旅行團去內地，寧願租私家車自駕遊，「而家無所謂啦，當係多咗一樣見識，自己亦都好感恩，而家冇咩事只係腰骨痛，惟有慢慢醫，最緊要人在。」

10萬蚊 100人分！
星期一至五晚上10點半
《動腦Q》Let's Q the money！
http://bit.ly/2QW8LcI

你敢爆，我敢獎！ 立即WhatsApp《蘋果》24小時爆相爆片熱線 或致電：63836568