當年今日
關於我們

【黎小田病逝】蕭若元證實故友患肺癌末期 洗腎時曾休克

蘋果日報 2019/12/01 18:54

蕭若元黎小田

蕭若元今日以時事評論員身份在網台上悼念好友黎小田,原來在黎小田病危時,他曾經去過醫院見最後一面:「其實我係前日知道呢個壞消息,然後噚日去到醫院睇佢,雖然佢講唔到嘢,但仲會有意識聽到人講嘢,所以我捉住佢隻手同佢講:『阿小田,放鬆啲啦!要嚟始終要嚟!你已經喺歷史上留名,人生做到咁樣算係咁。』」
近年雖然見得沒多年頻密,但幾個月內總會約一次見面,約半年前兩人碰過面,老蕭表示:「嗰時聽佢講話3、4月試過肺炎入院,但醫極唔好,後來再檢查,發現肺有黑影,一check已經係肺癌末期,而且已擴散去全身,之後有做電療,但洗腎時又出現休克,噚日見完佢,今朝就走咗,希望佢一路好走。」
兩人從74年開始認識,76年後就更加熟落,連其家人也是關係親密,蕭若元和黎小田老友到幾乎每周最少見兩、三次,老蕭表示:「當年梗係損友行徑,行埋鋤下D賭下錢,佢賭得比我大啲,因佢當時有錢過我。佢個人好大方,但唔識理財,所以一路冇乜錢淨,鍾意賭錢但又賭得唔係叻。」
蕭若元指黎小田從來沒有真正讀過音樂,但他肯定是音樂天才,老蕭表示:「一個從未讀過音樂嘅人,但一聽到音樂就識彈番出嚟,音樂方面佢係天才,講到粵語流行曲,一定唔可以唔提佢同顧嘉煇,香港由70年代到90年代稱霸華人流行文化圈,要數20大人物,一定數到黎小田。當年我同佢合作最多係麗的時代嘅劇集主題曲(當年老蕭是當編劇),每次作完攞嚟畀我聽,我都會俾意見佢,好似佢寫《天蠶變》、《浮生六劫》同《大地恩情》,我畀一啲概念佢,佢就可以作到我想要嘅感覺出嚟。」
-----------------------------
【匿名港警爆大鑊】
韓國KBS時事節目《時事直擊:香港 被自殺》
一按即睇
empty
empty
蕭若元昨日去醫院探望好友黎小田時,小田已是休克狀態。
empty
張國榮的伯樂肯定是黎小田。
empty
在蕭若元眼中小田依然是個細路。