當年今日
關於我們

【吟噆媽媽】試過用間尺打仔 歐倩怡滴晒汗:囝囝話可以報警

蘋果日報 2017/09/22 17:05

郭晉安歐倩怡復出幕前拍劇

歐倩怡今日在灣仔錄影ViuTV節目《超級奶爸》,佢同主持何基佑講吓點管教一對子女,好似遇到佢哋曳曳時候會點處理。歐倩怡自認「吟噆」兼長氣媽媽,同一句說話可以講兩、三次,搞到經常俾老公郭晉安stop佢。
講到如果小朋友唔聽話時會唔會好惡或體罰?歐倩怡話:「呢個年代唔得㗎喇,試過阿仔細個嘅時候,我搵把間尺打咗一下,佢就四圍講媽咪打我呀,可以報警呀,搞到我都滴汗。」
歐倩怡形容自己教小朋友嘅方式係音波功,但經常被兩兄妹ignore:「佢哋會睇我唔到聽我唔到,所以要學習說話貴精不貴多,相反佢哋好聽爸爸話,講一句小朋友就去做,真係好唔公平!」佢仲搞笑話要去返工,叫老公湊小朋友。
歐倩怡話O依家子女開始成長,可以抽時間工作:「最近我學打鼓,準備考進級試,我都有問過安仔復出幕前拍劇,佢話你咪拍囉,只要唔係同一套劇就得啦!」
empty
歐倩怡話計劃復出拍戲。
empty
歐倩怡笑言自己係長氣媽媽!
empty