【智慧城市藍圖】
【本報訊】政府上個月公佈香港未來5年的智慧城市藍圖。創科局局長楊偉雄（圖）表示，智慧城市目的是改善城市管理，期望藍圖為此建立基礎，包括更換智慧燈柱，用以收集數據，以及於政府內部成立大數據分析平台分享數據，協助改善措施和服務等。他指，藍圖雖只是未來5年計劃，但「希望大家了解智慧城市其實係睇得好遠」。
楊表示，改良城市管理的目標即把創新、科技和數據注入管理系統內達到高效率。他強調藍圖是活的計劃，「有啲未提出唔代表唔去做，因為係排隊做嘢，希望啲嘢做得好」，又形容藍圖橫跨多個政策局。

助部門配合改善城市管理

楊偉雄又表示，收集數據對於發展智慧城市十分重要，但「數據多唔一定係好，適當嘅數據喺適當嘅時候畀先係最好」，「假如有個颱風打到嚟，一個月前知道個價值冇咁高，但差唔多幾個鐘頭後打到嚟，價值就高，因為要做準備」。
為收集更多數據，政府未來於尖沙嘴及觀塘等地把400支燈柱換成智慧燈柱，配合5G科技，加裝多功能感應器等，收集天氣、人流、車流等數據。他指，智慧燈柱最大困難是部門協調，「出咗事邊個負責，邊個負責維修，牽涉咁多部門，邊個最終拍板」。
同時，政府於2020年建立新的大數據分析平台，讓部門內部即時分享，協助制訂政策和改善服務管理，「例如觀塘塞車，到底幾時車最多，塞車原因係乜，部門就可以用數據處理」。
至於如何判斷藍圖成效，楊未有正面回應，稱最終目的是令市民得益，「好似你出去搭地鐵，做到準時、舒適、安全、可靠」；又期望五年藍圖為香港智慧城市「lay down基本infrastructure（基礎建設）同系統」，希望市民感受初步成效。
另外，楊偉雄透露明年推出的「數碼個人身份」（eID）至少有兩個生物辨識技術，例如指紋、瞳孔、面容、聲音等，期望eID能夠做到快捷可靠，「好似八達通點解咁方便，因為嘟一聲兩秒鐘就搞掂」。
■記者張文鈴