江美儀、方健儀、鍾舒漫、龐景峰同郭思琳等今日去到數碼港參加慈善跑，龐景峰身為卓林好友，佢話卓林現時放緊復活節假，日前卓林出發去泰國前兩人有電話傾幾句，但避開無講佢家庭事，佢亦唔想講卓林私人事，龐景峰話：「佢喺當地有人照顧，心情可以，佢係好開朗女仔，成日擔心好多唔大問題嘅事，好似返學同卡通嘢，佢好鍾意動漫。」佢指卓林似自己18歲時一樣面對好多事，大家應該給予空間。

經已有一段時間無參加跑步賽事嘅鍾舒漫，今次參加全因活動為寵物籌款，佢話：「養咗隻八哥一年，以前聽人講狗狗悲慘遭遇，好似冇咁切身，o依家想為寵物做多些。」鍾舒漫仍是單身，是否以狗為伴，佢笑指未至於咁慘，本身都習慣一個人，但並不代表不拍拖，佢有計劃想養多隻八哥，等待父母搬往新居後便有空間飼養。