當年今日
關於我們

隔牆有耳:ECupBaby要好多愛 - 李八方

蘋果日報 2009/11/04 00:00


周秀娜去科大演講成為新聞焦點,雙方各取所需,理大有樣學樣,請咗有ECupBaby之稱嘅o靚模劉欣宜,噚日氣溫驟降,劉欣宜着件黑色中褸去到理大,不過入到室內舉行應用社會科學系系會分享會嘅場地佢即時除衫,一件黑白格仔露肩露臍露背top令室內頓時清凉晒,加埋對露趾凉鞋,連坐喺佢身邊嘅女教授何芝君都驚佢冷親,問ECupBaby怕唔怕着凉,着多件衫好喎!
ECupBaby平時見報着得仲少,噚日算着得多咗衫,所以佢婉拒教授好意。分享會主題係「港.男女」,大家睇完電影《90男歡女愛》可以討論吓愛情觀,全場約50人都係社會科學系學生,男女各半,唔多覺有電車男、毒男到場,亦冇逼爆場面,大家都好斯文。
empty
empty
呢件衫大露背,比銀幕放映套戲更有吸引力。
理大分享 教授讚賞
《90男歡女愛》可以話係上世紀經典作,三字頭以上相信記憶猶新,20出頭嘅劉欣宜坦言無睇過,八方以為佢無興趣懷舊,點知佢嘅愛情觀十分oldschool,強調自己對性、愛好認真,唔會學Harry同Sally咁隨便上床,一定要有愛先有性,因為父母自細教落,女仔唔可以咁隨便,唔小心有BB,女仔好蝕底o架!「我要有愛先可以有性,要好多好多愛先得,要畀我感覺到有將來,可以付託終身先得。」
原來ECupBaby外表open,內裏斯文,佢話噚日只係同後生仔講吓對愛情嘅睇法,心情輕鬆,冇壓力。何芝君教授都讚ECupBaby成熟,同學亦指佢講嘢有point,反映到時下香港女仔心態,學到嘢咁話。既然劉欣宜咁正氣,八方建議佢轉型,固然可以做「模art」,更好出路係幫忙政府宣傳慳電膽,即係energysavinglightblub,ECupBaby變身EBlubBaby,八方相信人人都爭住轉用eblub,仲使乜鬼派搵笨慳電膽券吖,邱局長!
mailto:[email protected]