當年今日
關於我們
愛駒打吡陪跑?好在同主另一隻贏得!
蘋果日報 2016/03/15 06:00
愛駒打吡陪跑?好在同主另一隻贏得!
綠色贏
周日(20日)就上演打吡,馬主李榮翰隻打吡戰馬「綠色勁駒」,點計都唔係牌面馬,唯有希望「綠色贏」先行於周三夜馬(16日)開齋;自從2012年尾「綠色威」之後,已經三年幾未拉過頭馬,使過千萬買入「綠色勁駒」又未成氣候,咁粗粗哋「綠色贏」四班贏住先,點都叫做好過冇。
記得「綠色贏」今季一出谷草1200米即被落飛黨狙擊,結果跑個梗頸四,該場頭馬「滿堂紅」及落第的「好力煌」及「光芒再現」其後加埋三Win,咁計「綠色贏」比當時再減幾分,輪到李榮翰都好應該啦!