現正於新加坡定居嘅張栢芝，生活過得都幾寫意，除咗湊兩個寶貝仔Lucas及Quintus外，閒時就係做義工﹑煮飯﹑踩滑板同埋「被集郵」，近來栢芝似乎又多咗一項興趣──畫畫。

有網民喺微博貼咗張同栢芝合照，當時栢芝正喺畫室內畫緊人像，只見畫中人雙眼炯炯有神︳該網民留言：「同學在畫室遇到栢芝。」

而相中嘅栢芝皮膚白滑﹑笑容燦爛，塊面睇落亦圓潤咗唔少，幾有肉地喎，不過咁都好吖，起碼好過之前骨杉杉咁款。