【全民抗疫】免疫力誤解多多？專科醫生為你破解迷思
蘋果日報 2020/01/12 00:15
全民抗疫武漢免疫力曾祈殷
服用維他命C補充劑可提升免疫力？點解凍親會容易病？個人保持心情開朗，都會病少啲？普羅大眾對於免疫力、生病的迷思和誤解多多，不妨由感染及傳染病科專科醫生曾祈殷破解種種迷思，教你提升身體免疫力貼士。
Q1：甚麼是免疫力？
答：免疫力是指身體抵抗病菌感染嘅能力，人體免疫系統由免疫球蛋白及不同白血球細胞組成，例如淋巴細胞、巨噬細胞、中性粒細胞等。換言之，當免疫系統薄弱，免疫力唔夠，就會容易受病毒、細菌、霉菌感染而生病。
答：免疫力是指身體抵抗病菌感染嘅能力，人體免疫系統由免疫球蛋白及不同白血球細胞組成，例如淋巴細胞、巨噬細胞、中性粒細胞等。換言之，當免疫系統薄弱，免疫力唔夠，就會容易受病毒、細菌、霉菌感染而生病。
Q2：服用維他命丸，例如維他C補充劑可提升免疫力嗎？
答：不少研究發現維他命如維他命A、B、C、D及E等，都對免疫系統運作好。其中有研究指服用250至500毫克的維他命C補充劑，可提升中性粒細胞的功效和抗病力。唔少病人睇症時都會問維他命丸有無用，一般會建議病人要留意服用量，唔好過量，因為長期攝取過量維他命C補充劑，都會有生腎石風險，市民服用前要留意相關補充劑資訊，最好食前先問問醫生意見。
答：不少研究發現維他命如維他命A、B、C、D及E等，都對免疫系統運作好。其中有研究指服用250至500毫克的維他命C補充劑，可提升中性粒細胞的功效和抗病力。唔少病人睇症時都會問維他命丸有無用，一般會建議病人要留意服用量，唔好過量，因為長期攝取過量維他命C補充劑，都會有生腎石風險，市民服用前要留意相關補充劑資訊，最好食前先問問醫生意見。
Q3：網上流傳如食洋蔥、食大蒜有防病作用？
答：洋蔥、蒜頭內的蒜素成份的確可提升免疫細胞，包括白血球的活躍性及抗菌殺病毒功能。加上這些食物蘊含維他命C、抗氧化物，對身體都好，但已經患病，就唔好靠呢啲食物作治療，最好盡快睇醫生。
答：洋蔥、蒜頭內的蒜素成份的確可提升免疫細胞，包括白血球的活躍性及抗菌殺病毒功能。加上這些食物蘊含維他命C、抗氧化物，對身體都好，但已經患病，就唔好靠呢啲食物作治療，最好盡快睇醫生。
Q4：點解凍親會容易病？
答：首先天氣凍，通常會少咗開窗、多啲留係室內活動，增加疾病人傳人風險；至於低溫通常都濕度低，令病毒可以飄得更遠，即係病毒較易傳播。另外，低溫時，白血球會短命啲同打仗能力轉弱，都會影響人體免疫系統運作，令人易病。如果呢個時候，黏膜太乾如口乾、鼻乾，飲水同保濕唔夠，都會增加感染風險。在種種因素下，會令人容易喺天氣凍時患病，建議市民冬天要多注重保暖措施、多飲水及保持室內空氣流通。
答：首先天氣凍，通常會少咗開窗、多啲留係室內活動，增加疾病人傳人風險；至於低溫通常都濕度低，令病毒可以飄得更遠，即係病毒較易傳播。另外，低溫時，白血球會短命啲同打仗能力轉弱，都會影響人體免疫系統運作，令人易病。如果呢個時候，黏膜太乾如口乾、鼻乾，飲水同保濕唔夠，都會增加感染風險。在種種因素下，會令人容易喺天氣凍時患病，建議市民冬天要多注重保暖措施、多飲水及保持室內空氣流通。
Q5：個人保持心情開朗，都會少啲病？
答：係呀。海外都有不少研究發現，當人的精神壓力大、休息不足的時候，都會影響免疫系統，所以臨床上病人會表示開OT加班後或唔夠瞓會病。
答：係呀。海外都有不少研究發現，當人的精神壓力大、休息不足的時候，都會影響免疫系統，所以臨床上病人會表示開OT加班後或唔夠瞓會病。
市民要提升免疫力，其實不用花費大量金錢，也沒有捷徑，關鍵是要有良好生活習慣，包括足夠及有規律作息、保持好心情、定期運動習慣，以及多曬太陽，增加維他命D攝取。另外避免煙酒，注射預防疫苗都十分重要。
