【特首選戰】林鄭為失言解畫 稱指港台唔掂「係少少講笑」
林鄭月娥港台唔掂
特首候選人林鄭月娥早前出席記協座談會時,狂踩港台電視頻道「唔掂」,稱節目不斷出硬照做法落後,反大讚轉播的中央電視台第9頻道「質素高」,惹來工會不滿斥林鄭無視資源緊拙。她今早接受港台訪問時解畫,稱當日言論「有少少講笑嘅,唔係批評式嘅唔掂」,而是認為應能做得更好。
林鄭稱當下並非認真「計算過」才講,只是認為當日場合的對話可以輕鬆一點。她稱,如果聽完她的整段說話,「應該會感受到其實我好關心港台發展」。她亦指,問題不外乎政策或資源問題,若當選願意與港台管理層及前線員工討論未來發展。
被問到外界指有內地官員替她拉票,林鄭指有聽過有關說法和報道,認為中央關心特首選舉並非不可理解,因特首亦須同時向中央負責和接受任命。