韓國出名係整容勝地，而整容喺韓國都係一件平常事。假如有個女星畀人讚靚女，大部分人嘅第一反應一定係：「整嘅。」但其實韓國都有唔少女星係出名由細靚到大，真正嘅純天然美女，而日前有韓網就選出咗「母胎美女」三人幫，分別係金泰希、宋慧喬同孫藝珍。

現年36歲嘅金泰希，於2000年以廣告模特兒出道，憑經典韓劇《天國的階段》而為人熟悉。但其實金泰希亦係圈中嘅高學歷代表，據知畢業於「首爾大學」嘅佢喺在學時期，靚樣同成績都係一等一。而金泰希亦係韓國最具代表性嘅天然美女，曾經畀整容醫生點名話係完全冇整過容嘅女星之一。

而憑神劇《太陽的後裔》「姜暮煙」一角再帶嚟演藝事業高峰嘅宋慧喬，於1996年參加模特兒選拔大賽，並得到第1名後出道，當時喬妹只得15歲。而喬妹出道後一直活躍喺演藝界，幾乎可以話係觀眾睇住佢大。而喬妹自出道以來一直以清純、靚女嘅形象聞名，更有「天然女神」嘅稱號，再加上佢嘅嬌小身形，有唔少韓國媒體都形容喬妹似「公仔」。

相比起金泰希同喬妹，孫藝珍主要喺拍攝電影，不過同樣地以模特兒身份出道。孫藝珍於1999年孖女星金惠秀合作廣告而正式出道，其後憑電影《假如愛有天意》爆紅，成為韓國第一代「國民初戀」，之後嘅清純形象就一直深入民心。成名後喺節目中公開細個嘅相時，都睇得出同依家嘅外貌冇分別，證明零整容。

不過其實「母胎美女」又點只佢哋3個！