【新增影片】
周日英超，阿仙奴今輪將會作客曼城。榜首嘅曼城聯賽火力強勁，10場聯賽積28分，攻入35攻，即係平均一場入3.5球；而排第5嘅阿仙奴就已經輸咗3場作客比賽，其中作客晏菲路更加0:4慘敗利物浦，畀人豆腐防守嘅感覺。不過領隊雲格講到明唔會死守。

雲格就話大打進攻足球，以攻代守咁話：「我哋當然想防守好啦，但係我淨係死守。我哋要控制戰局同埋製造埋門機會。最好嘅防守就係進攻！」，梅斯達菲受傷，老將梅迪薩卡面對著晒火嘅曼城攻線，雲格都仲敢鬥攻？雲格就話死守仲危險：「踢波真係要博，要承受博嘅風險。我哋進攻好勁，所以死守對我哋嚟講太危險啦。」

周四歐霸，槍手主場悶和貝爾格萊德紅星，雲加收超大部份主力，周日作客藍月亮相信會出返晒。而對陣貝爾格萊德紅星打正選嘅韋舒亞，就話唔驚哥迪奧拿領軍嘅曼城：「佢哋係勁，但我哋已經準備好。」

----------
曼城主力球員已經進駐『BFB CHAMPIONS 2.0』！快啲建立你嘅藍月亮軍團啦！
http://bit.ly/2xrTKGM