【演技有進步】佐佐木希被睇中 演食人怪「喰種」
蘋果日報 2017/05/10 08:30
小巨人佐佐木希東京喰種
- 佐佐木希落實有份演真人版《東京喰種》。
- 希妹飾演窪田正孝經常光顧咖啡店嘅店員，同樣係喰種。
- 希妹上月與諧星渡部建結婚。
- 曾被彈戲屎嘅希妹，喺《小巨人》演技被讚有進步。
- 佢喺廣告幾吓動作都被讚可愛。
日本女星佐佐木希上個月同拍拖兩年半嘅44歲諧星渡部建拉埋天窗，成為人妻。希妹未有因結婚減少fans，曾被指演技差嘅佢，近日喺劇集《小巨人》表現更獲讚，而希妹於住宅設計公司CLEVERLY HOME廣告入面，跟住音樂做出嘅幾吓動作，都被讚夠可愛。
真人版電影《東京喰種》今年暑假上映，電影再公開演員名單，希妹都有份演出一角。故事係講喰種喺日本擴展勢力與人類抗爭，由窪田正孝飾演嘅男主角金木研經常會去一間咖啡室，今次就係公開包括希妹在內嘅幾位飾演店員嘅演員，佢哋全部都係靠食人為生嘅怪物喰種，希妹話自己幾年前開始係《東京喰種》嘅粉絲，好開心有份參與真人版電影拍攝。