周潤發、劉德華、張家輝同李宇春今日喺北京出席舉行嘅《賭城風雲3》（內地譯名：澳門風雲3）記者會，發哥一上台，第一時間起哄玩自拍，然後逐一親吻華仔、家輝等人，華仔表示發哥係自己偶像，連發夢都見到對方，發哥笑言：「我以為你是天天夢到你女兒，怎麼會夢到我呢？」

華仔指發哥紅足四代，擺明係搶飯碗，所以發哥跌落水亦唔會救，發哥話：「你跟偉仔（指梁朝偉）兩個人落水我都會救，因為我不怕你們搶飯碗，我要照顧你們，而且我很會游泳，救你們兩個完全沒有問題。」華仔被問到投資《賭城3》，佢指因片酬太低，只好將投資電影當做片酬。據悉，電影將於大年初一於內地上映，跟周星馳的新片《美人魚》同日上映。