時裝店必備的除了衫之外，假人的模特公仔都好重要，因為櫥窗假人示範的衫係吸引顧客的第一大因素。位於委內瑞拉的假人包保大家睇到眼突，因為委內瑞拉的假人個個都有三大條件，就係大胸、腰幼同pat夠翹！身材的誇張比例同真人完全不符，由於委內瑞拉的女生越來越鍾意整容，胸大、腰細等成為她們必整的條件。製造假人模特的工廠為了追隨潮流，全部都將假人整容，幫它們隆胸、隆臀。

假人工廠的老闆EliezerÁlvarez表示整容的風氣於委內瑞拉好盛行，假人身材要夠誇張先好賣。呢種風氣係源於他們的選美比賽，好多女生想整容去選美，受到世人的注目。估唔到普通一個假人模特可以睇出國家背後的文化，連假人都要追隨潮流呢。