第二屆香港潮州節今年以「不忘初心‧潮拼香江」為主題，即日起至10日喺中環遮打花園舉行，今屆潮州節由香港潮屬社團總會主辦，大玩那些年feel，現場約十個文化攤檔，重現昔日潮州人喺香港嘅打拼經過，例如首富李嘉誠以穿膠花起家，大會就千辛萬苦搵嚟一批膠花，畀在場人士即席試穿一下。至於其他小食攤檔，開幕後都大排長龍，手打牛丸、肉丸及滷水鵝等，全部都喺潮州運送過嚟。

政務司司長張建宗以、「架己冷」財政司司長陳茂波、政制及內地事務局局長聶德權及民政事務局局長劉江華等都有捧場，張建宗致辭時話潮汕地區同香港淵源深厚，1897年香港人口普查中已經有潮州人嘅人口記錄，家陣嘅潮籍人士更加係香港重要社群