北水終於可染指的農夫山泉（9633），昨日首日表現不俗，逆市升近2%，雖然與上市高位39.85元仍有距離，但以收市價計卻是新高，算是打破悶局。收市後望望北水summary，農夫山泉一如預期有北水追捧，淨流入金額約5.13億元，成為滬深兩地嘅冧巴溫。

同樣因為快速機制納入港股通的思摩爾（6969），雖然北水進場後即見頂，但由於一早已炒高至破頂，形勢與上市後一直橫行整固嘅農夫山泉不盡相同。農夫山泉宣佈升呢做恒生綜合指數後，低位曾見34.1元，用這個位做止蝕入場，博踢穿上市後高位39.85元，尚算有數得計。

但要留意，由於十一長假在即，北水將於下周二（29日）起暫停，至10月9日才復常，意味北水買多四日便要被唞氣，唔想冒真空期風險，就用呢4日時間博一轉吧。

-----------------------------

【全球樓行】 Dream House零距離

屬於香港人的移民攻略

-----------------------------

上車必讀天書 「九成按」入市懶人包

點擊即睇《按揭必讀手冊》電子書

----------------------------

支持蘋果深度報道，深入社區，踢爆權貴，即Like蘋果專題及調查組FB專頁！