90年代日本童星安達祐實曾經紅爆藝能界，由佢主演嘅經典日劇《沒有家的女孩》，廿年前創下37.2%收視紀錄，如今佢已經34歲，第二次嫁人之後，目前正專心養胎迎接第二個BB來臨。

安達祐實前年演出古裝片《花宵道中》，當中不乏超激場面，係佢從影以來最大膽一次。不過電影亦令佢認識到攝影師桑島智輝，同年底仲宣佈再婚，今年夏天就會誕第二胎。安達早前剪短髮待產，近日仲將頭髮染回黑色，佢更新網誌公開同老公嘅合照，又難得上載全身相，不過外套就遮住咗佢個大肚，而安達都不忘Selfie，睇佢呢張自拍照就發現童顏冇變，同以前個樣冇乜分別，完全唔似就快35歲。