當年今日

  曾蔭權秘密講問責 - 李八方

蘋果日報 2002/08/07 00:00


曾蔭權呢排係威係勢咁搞人口政策,噚日重喺官邸搵班議員食飯,諮詢吓佢哋意見。有份出席嘅法律界議員吳靄儀慨歎,煲呔曾話就話呢個係一個跨部門政策,但佢就好似除咗對內地投資移民、控制內地人來港數目、輸入專才有興趣之外,其他同人口有關政策,好似教育、醫療,就冇乜大興趣。Margaret話,如果單單係入境政策,應該畀保安局局長葉劉淑儀睇就掂,唔使搵煲呔出手,佢都好想睇吓日後份諮詢文件出街時,煲呔究竟喺度諗乜!
八方噚日見到煲呔曾,都順口問咗句人口政策有乜進展,唔知係咪心中冇數,只見佢「口殊」一聲,揚揚手就算作回應。另外,佢老兄噚日就去咗亞洲協會香港分會主辦嘅午餐會演講,內容包括問責制,但唔知有乜天大秘密,竟然拒絕傳媒採訪。
(圖)煲呔曾昨日離開政府總部時,沒有回應有關人口政策的提問。


傳真︰2623-9278
電郵︰[email protected]