溫碧霞(Irene)、徐子淇、黎淑賢、周汶錡和黃寶瑤昨日在大埔出席「新鴻基夏日沖天海陸空2002開幕禮」,演繹以海、陸、空為主題的時裝。眾女分別以不同主題的性感服飾出現,令在場觀眾看得目不暇給。
黎淑賢現橙皮紋
現場以Irene最搶鏡,她出場時穿上一件露肩的開衩毛毛長裙,媚態盡現,但可能不合穿和毛毛太重的關係,竟令到Irene春光乍洩,背部露出肉色的胸圍扣,Irene只好不時將衣服向上拉。
事後問Irene可知自己走光?她說:「係咩?我唔知呀!我打晒底㗎啦,靚咪得囉。條裙好靚呀,我都好鍾意,不過可能啲毛毛重嘅關係,所以條裙向下跌,我都已經成日拉番上啲,其實我都唔算係最性感嘅一個,我條裙咁長,最多布㗎。」
而黎淑賢穿上超低腰短裙,露出了少許橙皮紋,她說:「我都未試過着咁低腰嘅裙,下身嚟講算係我最性感嘅一次,不過生完仔之後就有啲紋,好彩都唔係好覺,我都安慰啲。」
徐子淇賺夠零用
徐子淇則表示現已努力減肥,她昨日說:「其實我比上次已經瘦咗㗎啦,我到九月先會走,我呢兩個月接咗好多嘢嚟做,已經夠我用一年嘅零用錢啦!」
周汶錡對於自己所穿的水中美人魚裝十分滿意,但她笑言:「靚就真係好靚!但係好似性感咗少少啫。」
此外,時裝表演完畢後,陳冠希就舉行簽唱會,他甚受現場的小朋友歡迎。
採訪:胡比 攝影:黃文成