雖然澳洲索模MirandaKerr已經同「魔戒神射手」奧蘭多布魯（OrlandoBloom）情已逝，但緋聞接二連三，早前仲搭上咗同身家百億嘅手機即時通訊軟件Snapchat創辦人EvanSpiegel，愛得癡纏，昨日Miranda被拍到同Evan甜蜜熱身，又蹺又拖難捨難離。

32歲嘅Miranda着住性感露臍裙，同Evan於馬里布海邊拍拖，佢兩個雖然已經拖住手，但依然不時情深對望唔使睇路一樣，Miranda仲不時向Evan放電迷到佢暈倒一陣陣！

而Miranda近日接受雜誌訪問，就大講佢同奧蘭多分開咗點樣一齊湊囝囝Flynn，佢話自己跟奧蘭多搬開咗，但兩人冇5分鐘距離，所以當奧蘭多返工時佢就湊Flynn，而自己返工就輪到Flynn同奧蘭多見面。