ViuTV節目《中佬唔易做》早前找來麥長青、張松枝、古明華、敖嘉年、艾威和袁富華（Ben），體驗人到中年轉行的滋味。袁富華當年在電影《喜劇之王》說過一句對白「你唔係外賣仔」，至今仍然有不少人回味，事隔21年，Ben哥終於有機會一嘗做外賣仔滋味，在今晚播出的最後一集，獲安排在茶餐廳做雜工的Ben哥，做完樓面、廚房的工作後，再被安排送外賣和洗碗。Ben哥坦言在現實生活中甚少做家務，連洗碗都要拖，但在節目中，雖然不情願，他仍戴上膠手套洗碗，而且在不熟路的情況下幫手送外賣。

網民看到Ben哥送外賣的預告片後，隨即勾起當年「你唔係外賣仔」的回憶，Ben哥今日回覆《蘋果》，他笑說：「直情係風水輪流轉，當年我challenge星爺個角色唔係外賣仔，而家人哋會唔會challenge我唔係外賣仔，咁我咪係星爺？使唔使練埋嗰幾句對白？你好，我係嚟送外賣㗎，我係外賣仔，半隻燒鵝，218蚊，多謝，我真係外賣仔嚟㗎！」

在昨晚播出的一集，Ben哥經過一日的樓面學習，總算掌握到落單、清潔和包外賣等步驟，第二日開工即被老闆安排到廚房幫手，Ben哥回憶以前曾經在廚房擔任過清潔工作，記憶中廚房是一個很熱的地方，感覺十分厭惡，但他在老闆再三催促下，縱使不情願，還是要踏入廚房。Ben哥首先學習炒蛋、炸薯條、雞髀和魚柳，接着就到燒味部幫手學習整燒鵝，在員工的教導下學懂將醬料及香料放入鵝殼並放入燒爐，員工都讚Ben哥做事細心，記性亦很好，其後Ben哥說：「呢個係give and take，佢哋教我哋啲乜嘢，我都好留心去聽，同樣道理，個客畀啲乜嘢我嘅時候，我都要好留意，我覺得呢個都係做人啫，你同你身邊嘅人做朋友，你都要留意吓佢哋嘅情況。」

有人讚Ben哥好認真：「茶記唔易做㗎，佢仲做晒唔同崗位添！」、「雖然睇得出佢唔鐘意做廚房，但係仍然有敬業態度！」還有人說：「咁多個佬之中，Ben sir茶記最好睇，樓面廚房燒味外賣咁多瓣，一時間要學咁多嘢，辛苦晒喇！噚晚燒鵝埋口縫得好靚呀！」至於在油站工作的艾威，第二日開工就要開始入油，入油前先聽油站職員講解步驟，第一架經艾威手的是一部電單車，不過由於不熟手，被司機催促：「可唔可以快手啲，我趕時間！」經過大半日的學習開始，掌握到油站工作的艾威，替車輛抹玻璃、加水箱水和打呔氣，雖然工作風格依然慢條斯理，但總算完成工作。負責教導他的油站職員大讚艾威快上手，艾威則說：「工作唔算辛苦，諗返起以前大熱天時拍外景，仲要拍打戲，呢啲濕濕碎。」

-----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新