【估你唔到】勇士對馬刺好緊要咩? 雷霆中鋒睇《海賊王》好過!
NBA雷霆阿當斯
新一季NBA已經喺星期二(香港時間星期三)開鑼,今季有前雷霆球星杜蘭特(KD)加盟嘅勇士第一場波就以29分之差輸咗畀馬刺,不過唔係個個都覺得呢場好緊要噃,好似雷霆中鋒阿當斯,就選擇咗睇人氣日本動畫而唔睇呢場大戰。
話晒呢場都係KD喺勇士第一場NBA常規賽,有記者喺星期三就問過阿當斯有冇睇勇士對馬刺呢場波,點知佢話自己當時睇緊卡通片,阿當斯話︰「係日本動畫……(邊套?)《海賊王》,係講關於海盜嘅嘢,仲有《一拳超人》,另一套經典。」
即使係NBA球員,原來都唔一定睇大家一致覺得係大賽嘅NBA比賽,所以究竟乜嘢先係緊要呢?唔同嘅人一定有唔同嘅準則囉!